Գինու դպրոց-արհեստանոց

Քոլեջում անգլերենի, ծրագրավորման, զբոսաշրջության, լուսանկարչության պարապմունքներ են, ու, եթե չիմանաս՝ մտքովդ էլ չի անցնի, որ 1 հարկ ներքև բոլորովին ուրիշ աշխարհ է։

Քոլեջի նկուղային հարկում՝ Խաղողի և գինու դպրոց-լաբորատորիայում գինի ստեղծելուն զուգահեռ վերսկսում ենք հայոց պատմությունը։ Վերապրում ենք անցյալի ամենավառ պահերը՝ դրանք դարձնելով իրականություն․ ստեղծում ենք հայկական գինի։ Սա մեզ ուժ է տալիս։

Խաղողի մթերումը, ջարդիչ-չանչանջատիչ մեքենայի միջոցով մշակման ենթարկելը, ամենօրյա հետևողական հսկողությունը խմորմվելուն, առաջնային նստվածքից անջատելն ու այս ամենին զուգահեռ գարնան համար օրգանական պարարտանյութ հավաքելը 9-րդ դասարանի մասնագիտական կողմնորոշման ծրագրի սովորողների, ուսանողների և մյուս սեբաստացիների հոկտեմբեր-նոյեմբեր ամիսների ամենօրյա աշխատանքն է։

Գինին միշտ եղել է հայի մշակույթի մի մասը, ոչ մի հայ չի կարող պատկերացնել ծեսերն առանց գինու․ մենք սա գիտենք, ու պատրաստում ենք ամենամաքուր գինին հայի սեղանի համար։

Մանրամասներ մեր ամենօրյա աշխատանքից՝ տեսանյութում

Գինեգործությունն ավելի շատ սիրելու ու ավելի շատ բան սովորելու համար առաջարկում ենք միանալ մեր ինստաէջին

Մեր անուշ գինին

Խաղողը չանչանջատելուց, ջարդելուց և խմորման փուլն անցկացնելուց հետո, ժամանակն է առաջնային նստվածքից անջատելու։

Առաջին անգամ նստվածքից անջատելու համար օգտվում ենք մամլիչի օգնությունից։ Գինենյութը դույլերով տեղափոխում ենք մամլիչի մեջ, անընդհատ խառնելով ու քամելով։

Մեր ինստագրամի էջի տեսանյութերի մեջ ավելի մանրամասն է երևում աշխատանքը։

Կարմիր գինու մամլում

Սպիտակ գինու մամլում

Թե ինչպես են Հաղթանակն ու Չարենցին գինի դառնում

Այս տարի էլ կրկնում ենք անցյալ տարվա հաջող փորձը՝ Հաղթանակ ու Չարենցի տեսակների խաղողներով անկապակ, կարմիր գինի ստանալը։

Հաղթանակը սև, հյութեղ խաղող է՝ հատիկների մեջ թաքցրած վայրի մոշի ու նռան տտիպ համ, Չարենցին՝ ավելի մեղմ համով, բայց արտահայտիչ գույնով սև խաղողի տեսակ ՝, որոնց համադրությունը անմահական գինի է խոստանում։

Մթերմանն ու մշակմանը մասնակցել են 8-րդ դասարանից մինչև Քոլեջի ուսանողներ։

«Խաղողի և գինու որակի վերահսկում»

Սեբաստացի գինեգործներին սիրելի դարձած ICARE հիմնադրամում տեղի ունեցավ EVN Wine Academy-ի դասախոսներից մեկի՝ տ.գ.թ.., խաղողագործության և գինեգործության խորհրդատու, դպրոցի լավ բարեկամ Արտակ Գաբրիելյանի, «Խաղողի և գինու որակի վերահսկում» հեղինակային գրքի շնորհանդեսը:

Խաղողի և գինու դպրոցը ևս հրավիրված էր մասնակցելու Գիրքը հեղինակել է տ.գ.թ.., խաղողագործության և գինեգործության խորհրդատու Արտակ Գաբրիելյանը՝ GIZ-ի, WICOM գերմանական ընկերության և ICARE հիմնադրամի կողմից իրականացվող «Խաղողագործության և գինեգործության ոլորտում լաբորատոր և խորհրդատվական ծառայությունների կայացում Հայաստանում» develoPPP ծրագրի շրջանակում լույս տեսած, շատ օգտակար ու կիրառելի գրքի շնորհանդեսին։

Սա մասնագիտական ձեռնարկ է, որը նախատեսված է հատկապես փոքր և միջին արտադրողների, ինչպես նաև համապատասխան մասնագիտությամբ սովորող ուսանողների համար, ներկայացված է գինու որակի վերահսկման «գործիքները», դրանց կարևորությունն ու կիրառության ուղիները:

ՄՍԿՀ Խաղողի ու գինու դպրոցը այսուհետ հարստացնում է իր գրադարանը նման կարևոր գրքով։

Բացի ջերմ ու հաճելի միջավայրից, գինեգործության ոլորտում առաջատար մասնագետներին լսելուց ու սովորելուց, միջոցառումը առիթ հանդիսացավ նաև գինեգործությամբ հետաքրքրվող անձանց միջև կապերի բարելավմանը և նոր հնարավորությունների ստեղծմանը:

Նկարները վերցրված են EVN Գինու ակադեմիայի ֆբ էջից

Տեղեկատվական անվտանգությունից գինեգործություն

Անհնարին ոչինչ չկա, եթե ունես երազանք, որը դառնում է նպատակ ու ընտանիք, ովքեր դառնում են անփոխարինելի, աջակից գործընկերներ։

Բանկային ոլորտում հաջողությունների հասած մարդը որոշեց զբաղվել (թող մյուս արվեստագետները ներեն) արվեստով — գինեգործությամբ, չվախեցավ ոչնչից ու աշխատասիրության, կրեատիվության ու անչափ մեծ սիրո շնորհիվ ստեղծվեցին բնավորություն ունեցող գինիներ։

Սամվել Մաչանյանը իր փորձով ու գործով կիսվեց 9-րդ դասարանի ծրագրի, Ավագ դպրոցի գինգործություն ընրած սովորողների և Գինու դպրոցի ուսանողների հետ, պատմեց Ալլուրիա գինիների ծննդավայրի մասին, հրավիրեց գործարան, որին սովորողներն անհամբերությամբ են սպասում։

Մեր մառանը համալսարան է, որտեղ գինիները դառնում են խելացի եւ իմաստուն, այն գինին, որը անընդունակ ուսանող է՝ ուղարկվում է վերամշակման ու դառնում է հիանալի օղի,- ասաց Սամվել Մաչանյանը։

Սարգիս Հովհաննիսյանի տպավորությունները

Մարգարիտա Պետրոսյանի տպավորությունները

Մարիաննա Գևորգյանի սոց․ էջի ուղիղ եթերը

Խաղողի և գինու դպրոցի սոց․ էջի ուղիղ եթերը

Հարավի գինին Գինու դպրոցում

Սեպտեմբերի 16-ին Հարավային դպրոց-պարտեզի հետ համագործակցային նախագծով Ավագ դպրոցի ընտրությամբ Գինեգործության խումբը Վեդիում պատրաստած խաղողի հյութը տեղափոխել էր Հարավային դպրոց, խմորման գործընթացն իրականացնելու։ Կրտսեր ընկերների հետևողական խնամքի արդյունքում գինենյութը համարյա պատրաստ է գինի դառնալու։

Արդեն ժամանակն է Ավագ դպրոցի գինեգործների աշխատանքի։

Սեպտեմբերի 30-ին Հարավային դպրոցից 25 լիտր տարողությամբ տարան, լցված 10 լիտր գինենյութով տեղափոխվեց Գինու դպրոց, հետագա գործընթացները այնտեղ անցնելու համար։

Գինեգործը չի հանգստանում

Երբ բոլորը պլանավորում եմ 4-օրյա հանգիստ՝ գինեգործը պլանավորում է աչքաթող չանել գինենյութը, մշտապես հետևել, ամենայն պատասխանատվությամբ հսկել, խնամել ու ոչ։

Գինու դպրոցի ղեկավար Արտակ Ռշտունին իր երեխաների հետ սեպտեմբերի 18-ին,19-ին, 20-ին և 21-ին ամեն օր այցելել է Հնձան, խառնել են խմորվող գինենյութը, որ խմորիչներն ավելի լավ աշխատեն։

Գինեգործությունը պահանջում է մշտական ու նվիրված աշխատանք՝ առանց հանգստյան օրերի։

Ուղիղ եթերը՝ Խաղողի և գինու դպրոցի ֆեյսբուքյան էջից․

Գինու խմորման աշխատանքներ

Այսօր Միջին դպրոցի 7-րդ դասարանի սովորողները մասնակցեցին գինու խմորման աշխատանքներին, որի գործընթացը ներկայացրեցին Քոլեջի Գինեգործության բաժնի 1-ին կուրսի ուսանողները։

Խաղողաքաղ Վեդիում

Համագործակցային նախագծով Գինու դպրոցի 9-րդ դասարանի սովորողները ուսումնական այց են կատարելու Արարատի մարզի Վեդի քաղաքին կից այգիներ՝ խաղող քաղելու, տեղում գինի պատրաստելու, աշխատելով սովորելու, այգու տերերի մշակման եղանակներին ծանոթանալու։

Մասնակիցներ՝  9-րդ դասարանի գինեգործություն ընտրած սովորողներ, հարավային դպրոցի 2-րդ դասարանի սովորողներ, դասվանդողներ, ծնողներ

Ժամկետը՝ սեպտեմբերի 16-ին ժամը 09:30-16:30

Վայրը՝ Արարատի մարզ,Վեդու խաղողի այգիներ

Այցի նպատակը — 9-րդ դասարանցիները ծանոթանում են այգեկութի մշակույթին, 2-րդ դասարանցի ընկերներին օգնում-սովորեցնում են զգուշությամբ քաղել բերքը, գործիքներով չափում ենք խաղողի շաքարայնությունը (քաղցրությունը), սովորում և սովորեցնում են որակավորել խաղողահյութը։

Աշխատանքի նկարագրությունը — Վեդիի խաղողի այգիներում կհանդիպենք այգու տերերի հետ, կլսենք խաղողի և այգու մասին պատմությունը, կշրջենք այգում ծանոթանալու համար ինչ տեսակի այգի է, ինչպես են խնամում, ջրում, ինչ վիճակի է բերքը, կիմանանք ինչ տեսակի խաղող է, կքաղենք, կորակավորենք հյութը, ապա կքաղենք մնացած մասը, տեղում երգով, ծեսով կճզմենք, կպատրաստենք խաղողահյութ, կդնենք խմորման։

Անհրաժեշտ իրեր — ջուր, սնունդ, արևապաշտպան գլխարկ, մկրատ կամ դանակ, ձեռնոցներ, շաքարաչափ, կոլբա, գինու գավաթ

Հագնվել հարմար-սպորտային (կեղտոտվելու ենք)

Մասնակիցների ցուցակ

  1. Կիրակոսյան Արտյոմ 9-րդ դասարան
  2. Գևորգյան Թաթուլ 9-րդ դասարան
  3. Հովհաննիսյան Սարգիս 9-րդ դասարան
  4. Ներսիսյան Գեղամ 9-րդ դասարան
  5. Առաքելյան Դավիթ 9-րդ դասարան
  6. Սողոմոնյան Դավիթ 9-րդ դասարան
  7. Դավթյան Ռոբերտ 9-րդ դասարան
  8. Ադամյան Մելիք 9-րդ դասարան
  9. Հովհաննիսյան Սաթենիկ 10-րդ դասարան
  10. Պետրոսյան Մարգարիտա 10-րդ դասարան
  11. Զուրաբյան Համլետ 10-րդ դասարան

Նոր գինու ծնունդը

«Գինեգործությունն արվեստ է, թե՞ գիտություն»,- մշտական թվացող հարցին մենք ունենք հստակ պատասխան․ Գինին ցանկացած այլ խմիչքից տարբերվում է. այն ստեղծելն ավելի արվեստի նման է, քան գիտության։

Մխիթար Սեբաստացի կրթահամալիրում մեր ձեռքով քաղած խաղողն այգուց բերում ենք ուսումնական արտադրամաս-լաբորատորիա, իրականացնում ենք խաղողի մանրակրկիտ զննում, ընտրում հանում ենք խոտ, տերև, եթե քաղելուց պատահաբար ընկել է խաղողների մեջ, նորից չափում ենք շաքարի պարունակությունը, որն այս անգամ 23% էր, և սկսում ենք մշակումը։

Մեր  ուսումնական լաբորատորիայում ունենք բոլոր գործարանային գործիքները՝ փոքր չափերի։

Նախ ջարդիչ- չանչազատիչ սարքով առանձնացնում ենք չանչը պտղամսից, որը սարքից դուրս է գալիս արդեն ջարդած վիճակում։ Ապա պտղամիս-խաղողահյութը լցնում ենք պահամանների մեջ ու թողնելու ենք մի քանի օր մինչև խմորվի։

Խաղողի մի մասը առանց սարքերի, ձեռքերով ենք առանձնացրել չանչը պտղամսից և ձեռքերով էլ ճզմել ենք՝ սրանով ցույց տալով թե ինչպես են գինի սարքել վաղ ժամանակներում։

Որպեսզի հստակ իմանանք թե 5 տոննա խաղողից որքան գինի ենք ստանում, առանձնացնելուց հետո կշռում ենք նաև չանչը։ Այդպես կիմանանք թե օրինակ 5 տոննա խաղողի քանի տոկոսն է կազմում չանչը և որքան մասն ենք օգտագործելու որպես գինի։

Անջատված չանչը նախկին տարիների պես չորացնելու ենք, դարձնենք բնական պարարտանյութ, որ գարնանը սնուցենք խաղողների վազերը։

Այս բոլոր գործընթացներին մասնակցել են կրթահամալիրի տարատարիք սովորողներ, դասավանդողներ։

Մեր ամբողջ նպատակը տրադիցիոն և ժամանակակից գինեգործությունն ուսուցմամբ ներկայացնելն է, այն գինեգործությունը, որը որով մեր պապերն են զբաղվել, և այն որը ներկայումս է։

«Չարենցի»-ն ու «Հաղթանակ»-ը Գինու դպրոցում են

Մենք հաճախ հպարտությամբ ասում ենք, որ գինին հին է ու հայկական։

Եվ իրապես խաղողի ու գինու մշակույթը հայի արյան մեջ է․ տեսնել էր պետք թե ինչպիսի ոգևորությամբ սիրով, հոգատարությամբ էին Ոսկեհատի բնակիչ կանայք, Մխիթար Սեբաստացի կրթահամալիրի սովորող, սովորեցնողները քաղում Ոսկեհատի գիտաուսումնական կենտրոնի այգիների «Չարենցի»-ն ու «Հաղթանակ»-ը։

Էլ ինչ այգեկութ առանց երգ ու պարի, առանց խաղողին գովելու, ուրախության ու խնդության։ Մխիթար Սեբաստացի կրթահամալիրը ազգային ծիսական տոնախմբությունները մշտապես կիրառողն ու ապրեցնողն է։

Առավոտյան ժամը 09։00-ին շարժվեցինք դեպի Արմավիրի մարզի Ոսկեհատ գյուղ, Ազգային ագրարային համալսարանի գիտաուսումնական կենտրոնի այգիներ։ Այս գյուղն օժտված է խաղողի մշակման համար բերրի հողով և բազմազան միկրոկլիմայով, իսկ գյուղի անունը գրաբարից թարգմանած նշանակում է «ոսկե հատիկ»․ դե պատկերացրեք որքան համեղ է լինելու այս գյուղի խաղողն ու գինին։

Կենտրոնի այգիներն զբաղեցնում են 12 հա տարածք և աճեցվում են հիմնականում «Ռքածիթելի», «Չարենց», «Կանգուն», «Հաղթանակ» տեսակների խաղողներ։

Մեզ անհրաժեշտ 5 տոննա խաղողը մեր ձեռքով քաղեցինք, դասավորեցինք արկղերի մեջ և ուրախությամբ բերեցինք մեր ուսումնական արտադրամաս-լաբորատորիա՝ կշռելու, շաքարայնությունը մեր գործիքներով նորից չափելու, որակավորելու, խաղողահյութ սարքելու և հնեցման նախապատրաստելու։

Կշռեցինք 2140 տոննա «Չարենցի» և 2470 տոննա «Հաղթանակ», որից 470 կգ-ն արկղերի քաշն էր։

Սպիտակ անապակ գինու շշալցում

Շտապել չի սիրում անկեղև խաղողի խմորման արդյունքում ստացված և խաղողի կեղևի հետ չշփված այս յուրահատուկ գինին:

Հետաքրքիր տեսանյութ է հրապարակել Հայկուհի Հովհաննիսյանը