«Հատուկ նախագծի» եթերում Գինու դպրոցն է

Մեր փոքր արտադրական ուսումնական հաստատության՝ Գինու դպրոցի մասին պատմել ենք Հանրային ռադիոյի ունկնդիրներին։

Արևելյան դպրոց-պարտեզի առաջին դասարանցի Ռաֆայել Ղոչիկյանի ծնողը՝ Կուշանե Չոբանյանը տպավորվել էր մեր՝ համացանցում գրանցված խաղողներից, պատանի գինեգործների տեղեկացվածությունից, կատարած աշխատանքի ծավալից ու խանդավառությունից․․․

Առաջարկում ենք անպայման լսել «Հատուկ նախագիծ» հաղորդման վերջին՝ նախատոնական հաղորդումը Գինու դպրոցի

Առաջին և միակ Գինու դպրոցը

Հայաստանում առաջին և միակ Խաղողի և գինու դպրոցի հետ ծանոթանալու են եկել Շանթ հեռուստաընկերության Առավոտը Շանթում հաղորդման նկարահանող խումբը։

Մխիթար Սեբաստացի կրթահամալիրը իր ուսումնական կենտրոններով, շարունակում է տարբերվել, զարմացնել, հիացնել ու գրավել բոլորին։

Գինու դպրոցի ՖԲ էջի ուղիղ եթերը
Մարիաննա Գևորգյանի ՖԲ էջի ուղիղ եթերը

Գինու դպրոցի մասին պատմող Շանթ ՀԸ-ի պատրաստած տեսանյութը՝

Մասնակցում ենք «FOOD ALCO TASTING»-ին

Ամեն տարի, և այս տարի նույնպես հունվարի 31-ին «DOUBLETREE BY HILTON» հյուրանոցային համալիրում տեղի ունեցավ բիզնես միջոցառում՝ «Տարվա բացահայտում» հյուրանոցային և ռեստորանային բիզնեսի ներկայացուցիչների համար:
Հավաստագրերի հանձնման շրջանակներում կազմակերպվել էր «FOOD ALCO TASTING», որտեղ մի շարք արտադրող և ներմուծող ընկերություններ ներկայացնում էին սննդամթերք և խմիչքներ՝ համտեսելու համար։

Մխիթար Սեբաստացի կրթահամալիրի Խաղողի և գինու դպրոցը ևս, որպես ալկոհոլային խմիչքներ արտադրող կազմակերպություն մասնակցում էր tasting-ին։

Բուն համտեսից բացի, հրաշալի հնարավորություն էր ծանոթանալ ոլորտում խոշոր հաջողություններ գրանցած գործարարների հետ։

Խաղողի և Գինու դպրոցը «FOOD ALCO TASTING»-ին մասնակցում էր դպրոցի ղեկավար Արտակ Ռշտունու և Մարիաննա Գևորգյանի միջոցով։

Շրջեցինք տաղավարներով, ծանոթացանք գրեթե բոլոր արտադրողների հետ, համագործակցային պայմանավորվածություններ ձեռք բերեցինք, որոնց մասին կխոսենք առանձին-առանձին։

Մենք համագործակցություններ ենք տեսնում հետևյալ ոլորտներում, փոխադարձ այցերի, վարպետության պարապմունքների, որոշ դեպքերում երկարաժամկետ բարեկամության ակնկալիքով։

  • Հայաստանյան սպառողներին բարձրորակ համ և որակական բացառիկ հատկանիշներ ունեցող ներմուծված կաթնամթերք ներկայացնող President Armenia ապրանքանիշը
  • Իր մշտապես աճող էքսկլյուզիվ տեսականին էր ներկայացնում Բեկոն Պրոդուկտը
  • Որակի ամենաբարձ չափանիշներին համապատասխանող, Կոտայքի մարզի աղբյուրներից հոսող ջուր՝ Rare Water
  •  ճանապարհորդություն դեպի պատմության և մշակույթի ակունքներ․․․ Meyron Wine։ «Գինի չի է՜ մեռոն է․․․»
  • Հայաստանում թեյերի և սուրճերի ամենալայն տեսականին ներկայացնող ЧайКофф խանութ-սրահը իր ոչ միայն սուրճի ու թեյի արտադրանքով։
  • Ձեռագործ եղանակով պրեմիում դասի քրաֆտ մրգային օղիներ արտադրող Otaroff Fruit Brandy ընկերությունը, որն ստեղծվում է պղնձե կաթսայում՝ երկակի թորմամբ։
  • Կես գավաթ Լուսին, կես գավաթ Արև «Ֆռունզե» ընկերության «Լուսարև» գինին, հատկապես սպիտակ ոսկեհատը արժեր համտեսել
  • Աշխարհի առաջին գինու հնձանի՝ Արենի-1 «Թռչունների քարանձավի» դիմացի ժայռին գտնվող խաղողի այգիներից պատրաստված Nor Areni Winery
  • Ուշադրությու՛ն. Թունդ միացում։ TUNED by Kotanidis մրգային օղիները, միայն մրգային թորվածքի ու ջրի խառնուրդ՝ հնեցված կաղնու տակառներում 1 տարի։
  • Գինեգործական բուտիկ Հայաստանում, պատմական Աշտարակի գինեգործական շրջանում: Van Ardi Wines-ի գինիները ծնվում են զանգակատան շրջակայքի այգում աճեցված ձեռքով հավաքած խաղողից:
  • Proshyan Brandy Factory-ի ներկայացրած արտադրանքը․ կոնյակ, գինի, օղի, փրփրուն գինի, լիկյոր:
  • Manukyan Brandy Factory-իի հետաքրքիր համային փնչով հագեցած գինիները։
  • Italian food company-n թարմ սառեցված պիցցանների արտադրություն է, բաց և հասանելի ծանոթության և համագործակցությունների համար։

Ֆեյսբուքյան ուղիղ եթեր

Շնորհակալություն արհեստակցական կազմակերպությանը՝ մեր ներկայությունն ապահովելու համար։

«Ընկերները» հաղորդաշարը Գինու դպրոցում


«Ընկերները» հաղորդաշարին իր ընկերների մասին պատմում է Աշոտ Բլեյանը։

Խաղողի և գինու դպրոցը ներկայացնում է ղեկավար Արտակ Ռշտունին։

https://mskh.am/am/85522

«Խաղողի և գինու որակի վերահսկում»

Սեբաստացի գինեգործներին սիրելի դարձած ICARE հիմնադրամում տեղի ունեցավ EVN Wine Academy-ի դասախոսներից մեկի՝ տ.գ.թ.., խաղողագործության և գինեգործության խորհրդատու, դպրոցի լավ բարեկամ Արտակ Գաբրիելյանի, «Խաղողի և գինու որակի վերահսկում» հեղինակային գրքի շնորհանդեսը:

Խաղողի և գինու դպրոցը ևս հրավիրված էր մասնակցելու Գիրքը հեղինակել է տ.գ.թ.., խաղողագործության և գինեգործության խորհրդատու Արտակ Գաբրիելյանը՝ GIZ-ի, WICOM գերմանական ընկերության և ICARE հիմնադրամի կողմից իրականացվող «Խաղողագործության և գինեգործության ոլորտում լաբորատոր և խորհրդատվական ծառայությունների կայացում Հայաստանում» develoPPP ծրագրի շրջանակում լույս տեսած, շատ օգտակար ու կիրառելի գրքի շնորհանդեսին։

Սա մասնագիտական ձեռնարկ է, որը նախատեսված է հատկապես փոքր և միջին արտադրողների, ինչպես նաև համապատասխան մասնագիտությամբ սովորող ուսանողների համար, ներկայացված է գինու որակի վերահսկման «գործիքները», դրանց կարևորությունն ու կիրառության ուղիները:

ՄՍԿՀ Խաղողի ու գինու դպրոցը այսուհետ հարստացնում է իր գրադարանը նման կարևոր գրքով։

Բացի ջերմ ու հաճելի միջավայրից, գինեգործության ոլորտում առաջատար մասնագետներին լսելուց ու սովորելուց, միջոցառումը առիթ հանդիսացավ նաև գինեգործությամբ հետաքրքրվող անձանց միջև կապերի բարելավմանը և նոր հնարավորությունների ստեղծմանը:

Նկարները վերցրված են EVN Գինու ակադեմիայի ֆբ էջից

Երևանի գինու օրեր

Մեկ տարվա ընդմիջումից հետո, Սարյան փողոցում կրկին Գինու փառատոն էր։ Երկու օր շարունակ, հունիսի 4-5-ին տուրիզմի ու գինեգործության շփման հարթակ էր ստեղծվել ,որի նպատակը մեկն էր՝ տնտեսության զարգացումը։

Մխիթար Սեբաստացի կրթահամալիրի Գինու դպրոցը ևս անմասն չմնաց, այս տարի որպես հյուր-համտեսող ներկա լինելով փառատոնին։

Շուրջ 600 մետր տարածք զբաղեցնող Մոսկովյան, Թումանյան, Սարյան փողողները ընդգրկած փառատոնի ընդացքում, նախկին 25-ի փոխարեն այս տարի իրենց արտադրանքն էին ներկայացնում 41 գինեգործական ընկերություն, որոնցից մի մասին հետ Գինու դպրոցը արդեն լավ գործընկեր է, իսկ մի մասի հետ էլ՝ օգտվելով փառատոնի տված հնարավորությունից՝ ձեռք բերեց պայմանավորվածություններ։

Գինի արտադրողների այս չափ ակտիվությունն ապահովում է մեր երկիր՝ որպես գինու հնագույն օրրաններից մեկի ճանաչելիությունը աշխարհում։ Փառատոնին ներկաներից կեսից ավելին զբոսաշրջիկներ էին, որոնց մի մասը պարզվեց հատուկ Գինու օրերի համար է Հայաստանում։

Ես հնարավորություն ունեի փորձարկելու 281 տեսակ գինի․ 113 կարմիր91 սպիտակ30 վարդագույն18 փրփրուն38 մրգային: (Սրանցից 15-ը ներկայացված էին առաջին անգամ)։

Համտեսել եմ․

  • Տավուշի հնագույն մշակույթը ներկայացնող «TUS» գինին (լալվար տեսակի խաղողից սպիտակ)
  • Մեր գործընկերոջ ներկայացրած «QYOSH» գինին․ (փրփրուն, սպիտակ)
  • Առաջին անգամ մասնակցող, մեդալակիր, յուրօրինակ «noa» գինին (Արենի, ռոզե)
  • Կես գավաթ Լուսին, կես գավաթ Արև «Ֆռունզե» ընկերության «Լուսնարև» գինին․ (Արենի, կարմիր)
  • «Կարաս» գինիների ընտանիքը համալրած «A Tale Of 2 Mountains» գինին (կարմիր Արենի և Malbec)
  • «Zakare» գինին․ «Coffee wine» — (սպիտակ խաղող+ կոլումբիական սուրճ․․․․ այո-այո․․․)
  • Հայկական գինեգործություն «Զ՛ԱՐԹԸ» (փոքր ծավալի, բուտիկային արտադրության գինիներ)
  • Հայկական խաղողից, մրգերից ու հատապտուղներից գինի պատրաստող «GEVORKIAN» գինի
  • Առաջին գազավորված գինին, ալյումինե տարաներում․ «SISAVAN» գինու գործարանի «GOOD MOOD» ապրանքանիշը
  • Արջի ձագի ու երեխայի բարեկամության մասին վկայող «QOTOT» գինին (սպիտակ Ոսկեհատ
  • Ընտանեկան բիզնես դարձած «SARAFYAN» գինիներ (կարմիր, Կարմրահյութ և Հաղթանակ)
  • «DOOR» ապրանքանիշի համանուն գինին (սպիտակ Ոսկեհատ)
  • «EVN» գինու ակադեմիայի համանուն գինին (կարմիր, Սև Արենի)

․․․բոլորը անապակ։ Այսքան տեսակները փորձել եմ նոր գինիներ բացահայտելու հույսով ու ձեռք եմ բերել նոր ընկերներ, որոնք իրենց փորձով պատրաստ են կիսվել կրթահամալիրի Գինու դպրոցի սովորողների հետ, կազմակերպել փոխադարձ այցեր ու հանդիպումներ։

Բացի գինուց կային նաև մոտ 30 կետ սնունդ առաջարկող տաղավարներ։

Սարյան փողոցի ծայրերին տեղադրված էին բեմեր, որոնցից մեկից հնչում էր Բաբաջանյան, մյուսից՝ երևանյան երգեր՝ բենդերի կատարմամբ։

Աշխատանքներում ներգրավված կամավորներն ամեն ինչ անում էին հյուրերի համար փառատոնը տոն պահելու համար․ վճարումներ անելը, բաժակներ և կուպոններ ձեռք բերելը, գինիներ համտեսելու գործընթացը ոչ մի հերթեր չեն առաջացրել, չնայած մարդկանց մեծ քանակին։

Գինու փառատոնին մեր մասնակցության արդյունքները կտեսնենք շուտով։

Պատրաստել եմ նաև տեսանյութ

Որակյալ գինիներ՝ ծուռումուռ այգիներից

Խաղողի և գինու դպրոցի ղեկավար Արտակ Ռշտունին առաջարկում է․

Այսօր խաղողի և գինու դպրոցը իր առաջին և երկրորդ կուրսի ուսանողների և ավագ դպրոցի ընտրությամբ խմբի հետ սկսեցինք “գինու և Խաղողի մշակույթը Հայաստանում”  նախագիծը որը անցկացվում է Հայաստանի ազգային ակադեմիայի ակադեմիկոսներ Սուրեն Հոբոսյանի և Բորիս Գասպարյանի հետ։Ծրագրի նպատակն է ուսումնասիրել Հայաստանի պատմական այգիները։Այսօր եղանք Դալմայի խաղողի այգիներում որը սկիզբ է առել Ուրարտական ժամանակներից , Ռուսա 2րդ արքայից սկսած, մոտ 2000 տարի առաջ։ Այգին թմբային էր , և ըստ հնագետների թմբերը սարքվել են դեռ այդ ժամանակ, և  խաղողի տեսակները նույն պես այդ ժամանակվա տեսակներ են , քանի որ այդ նույն վազերից կտրոն է վերցվել և վազը թարմացվել , և այդպես շարունակ,  սակայն կային և հին վազեր որոնք կարծես նախնադարից էին սկիզբ առել։ Այդտեղ գտնվելով մենք մի քանի ժամով տեղափոխվեցինք Ուրարտու։Հնարավորինս վերցրել և հավաքել ենք խաղողի շատ կտրոններ , մասունքի պես ամեն վազից մեկ երկու հատ, մեր տնկարանի համար ։Այգու սահմաններով թափված էր շինարարական աղբ, այգու ոչնչացված մասում արդեն հսկա շինություններ կան , պատմական այս “գիգանտը” ոչնչացման շեմին է։ Սակայն կային հատվածներ որոնք հեռու էին շինարարություններից և անտերության էին  մատնված։ Պարոն  Բլեյան առաջարկս հետևյալն է , Մխիթար Սեբաստացի կրթահամալիրը իր խաղողի և գինու դպրոցով կարող է հետևողական լինել պատմական այգու մի փոքր հատվածում դեռ մնացած մի քանի պատմական վազերին։ Ընդամենը խնամել և հետևել , ոչ մի փաստաթուղթ և ոչ մի պայմանագիր։

Իսկ ես ավելացնում եմ․ —Հաստատ կարող ենք ստանալ որակյալ գինիներ՝ ծուռումուռ այգիներից։

Առջևում տոներ են

Հայաստանում սրընթաց զարգացող  գինու մշակույթի հետ մեկտեղ այս խմիչքը դառնում է ավելի տարածված և արժեքավոր նվեր։

Գինի կարելի է նվիրել ցանկացած ուրախ առիթով։ Դե իսկ առաջիկայում ուրախ առիթների պակաս չունենք: Ի դեպ, վերջին հինգ տարիներից սկսած Հայաստանում արագորեն զարգանում է գինու մշակույթը, և աճում է հետաքրքրությունն այս խմիչքի նկատմամբ։ Ընդ որում ավելանում է հետաքրքրությունը ոչ թե սովորական, այլ այն գինիների նկատմամբ, որոնք ինչ-որ պատմություն ունեն։

Շարունակել կարդալ “Առջևում տոներ են”

Գնիշիկի ձոր

Գնիշիկը գյուղ է Վայոց ձորի մարզում,  (Արփա գետի ձախակողմյան վտակ՝ Գնիշիկ գետի ակունքների մոտ) այն իր պատմության ընթացքում մի քանի անգամ կառուցվել և քանդվել է, որի մասին վկայում են գրականությունը, 9-13-րդ դարերի եկեղեցին, մատուռները, ջրաղացները, գերեզմանոցները, խաչքարերը:

Շարունակել կարդալ “Գնիշիկի ձոր”

Չի կարելի սերը երկրորդել

բլեյան-1024x576

«Արևիկ» ռադիոյի եթերում  կրթահամալիրի տնօրենն է։

Շատ պատանիներ ավարտում են դպրոցը և չգիտեն՝ ի՞նչ են անելու։ Ո՞րն է դպրոցի դերը պատանուն կողմնորոշելու հարցում։

Ա․ Բ․ Այն մասը, որ ասում եք՝ գիտի, ավելի շատ գիտի, որ բուհ է գնալու ուսումը շարունակելու մասով, բայց դա դեռ մասնագիտական կողմնորոշում չէ։ Մասնագիտական կողմնորոշում մենք հասկանում ենք, որ ինքը գիտի, որոշել է, ուզում է, ինչ մասնագիտական գործունեություն է ծավալելու և դրան է ուղղված իր հաջորդ շրջանը։ Ուսուցումը կլինի բուհական, քոլեջային, կարող է լինել վարպետային պարզապես, ինքնակրթությամբ կամ պարզապես։ Բայց նաև ճիշտ եք, որ մի խումբ էլ կա, երբ ավարտում է և իրեն տալիս է պարապության շրջանի։ Կարծես հանրակրթության տասներկու տարին մի մեծ արձակուրդ էր, ավելի շուտ ինքը իրեն արձակուրդի հնարավորություն է տալիս, ասելով ՝ կտեսնենք դեռ, կյանքը դիտում է մի մեծ արձակուրդ։

Շարունակել կարդալ “Չի կարելի սերը երկրորդել”