Զարթիք փառք իմ

Զարթիք փառք իմ, զարթիք.
և ես զարթեաց առաւօտուց. ալելուիա:

Զարթիք ընդ զուարթունս,
Մանկունք վերինն Սիոնի. ալելուիա:

Զարթիք որդիք լուսոյ
Ի յօրհնութիւն Հօրն լուսոյ. ալելուիա:

Զարթիք փրկեալք արեամբ
Եվ տուք ըզփառս փրկողին. ալելուիա:

Զարթիք նոր ժողովուրդք
Նոր երգս առեալ նորոգողին. ալելուիա:

Զարթիք հարսունք հոգւով
Սպասեալք գալոյ սուրբ փեսային. ալելուիա:

Երգի ձայնագրությունը
Կատարումը՝ Արմենուհի Սոկրատունու

Ներսես Շնորհալի

2022-ը ավարտենք կարևոր խոսքով, ասելիքով և Սեբաստացի գինով։

2018 թվականին «Մխիթար Սեբաստացի» կրթահամալիրի  Քոլեջում ծնունդ առավ Խաղողի և գինու դպրոցը։

Պահպանելով հայկական գինեգործության ավանդույթներն ու ժամանակակից գինուն հատուկ նրբերանգները՝ ստեղծել ենք Սեբաստացի գինի՝ սովորողների օր օրի վարպետացող ձեռքերով։

Այսօր արդեն մեր ուսումնական արտադրությունը ձեր ամանորի սեղանի  կարմիր անապակ գինին է։

Հայաստանի բնական հարստություն համարվող խաղողի վազերի լավագույն սորտերից պատրաստված գինուն ավելացրել ենք մեծ քանակի սեր, համերաշխություն, խաղաղություն․․․

Խաղաղությամբ ըմպեք

«Մխիթար Սեբաստացի» կրթահամալիրի  Խաղողի և գինու դպրոց

Գինու դպրոց-արհեստանոց

Քոլեջում անգլերենի, ծրագրավորման, զբոսաշրջության, լուսանկարչության պարապմունքներ են, ու, եթե չիմանաս՝ մտքովդ էլ չի անցնի, որ 1 հարկ ներքև բոլորովին ուրիշ աշխարհ է։

Քոլեջի նկուղային հարկում՝ Խաղողի և գինու դպրոց-լաբորատորիայում գինի ստեղծելուն զուգահեռ վերսկսում ենք հայոց պատմությունը։ Վերապրում ենք անցյալի ամենավառ պահերը՝ դրանք դարձնելով իրականություն․ ստեղծում ենք հայկական գինի։ Սա մեզ ուժ է տալիս։

Խաղողի մթերումը, ջարդիչ-չանչանջատիչ մեքենայի միջոցով մշակման ենթարկելը, ամենօրյա հետևողական հսկողությունը խմորմվելուն, առաջնային նստվածքից անջատելն ու այս ամենին զուգահեռ գարնան համար օրգանական պարարտանյութ հավաքելը 9-րդ դասարանի մասնագիտական կողմնորոշման ծրագրի սովորողների, ուսանողների և մյուս սեբաստացիների հոկտեմբեր-նոյեմբեր ամիսների ամենօրյա աշխատանքն է։

Գինին միշտ եղել է հայի մշակույթի մի մասը, ոչ մի հայ չի կարող պատկերացնել ծեսերն առանց գինու․ մենք սա գիտենք, ու պատրաստում ենք ամենամաքուր գինին հայի սեղանի համար։

Մանրամասներ մեր ամենօրյա աշխատանքից՝ տեսանյութում

Գինեգործությունն ավելի շատ սիրելու ու ավելի շատ բան սովորելու համար առաջարկում ենք միանալ մեր ինստաէջին

Թե ինչպես են Հաղթանակն ու Չարենցին գինի դառնում

Այս տարի էլ կրկնում ենք անցյալ տարվա հաջող փորձը՝ Հաղթանակ ու Չարենցի տեսակների խաղողներով անկապակ, կարմիր գինի ստանալը։

Հաղթանակը սև, հյութեղ խաղող է՝ հատիկների մեջ թաքցրած վայրի մոշի ու նռան տտիպ համ, Չարենցին՝ ավելի մեղմ համով, բայց արտահայտիչ գույնով սև խաղողի տեսակ ՝, որոնց համադրությունը անմահական գինի է խոստանում։

Մթերմանն ու մշակմանը մասնակցել են 8-րդ դասարանից մինչև Քոլեջի ուսանողներ։

Ռոզեն Գինու դպրոցում

«Խաղող ուսանողի այգուց» նախագծով Քոլեջի ուսանողները իրենց այգուց հավաքած խաղողը բերում են Գինու դպրոց՝ անմահական գինի դարձնելու։

Այս անգամ Գինու դպրոցում էր մեղրահամ Մեղրաբույրը, որից որոշվեց պատրաստել վարդագույն անապակ գինի՝ պրեմիում եղանակով․ Լիարժեք բնական եղանակով։

Խաղողի այգու զննում՝ մթերումից առաջ

ՀԱԱՀ Ոսկեհատի ուսումնագիտական կենտրոնը բացի գործարանից ունի նաև 12 հա-ից ավելի խաղողի այգիներ, որտեղից այս տարի ևս Մխիթար Սեբաստացի կրթահամալիրի Խաղողի և գինու դպրոցը ձեռք կբերի Չարենց ու Հաղթանակ տեսակի խաղողներ։

Ճամփորդության օրը՝  սեպտեմբերի 22-ին,

Ժամը՝ 10:30, Քոլեջ

Վերադարձ` 12:00, Քոլեջ

Մեքենան՝

Այցի նպատակը՝ Որակավորել այս տարվա խաղողի այգին և բերքը

Պատասխանաու՝ Արտակ Ռշտունի

Մասնակիցներ՝

1․ Ռաֆայել Հովհաննիսյան (Խմորման արտադրության տեխնոլոգիա և գինեգործություն)

2․ Սամվել Դավթյան (Խմորման արտադրության տեխնոլոգիա և գինեգործություն)

3․ Գևորգ Ներսիսյան (Խմորման արտադրության տեխնոլոգիա և գինեգործություն)

4․ Մանվել Ալեքսանյան (Խմորման արտադրության տեխնոլոգիա և գինեգործություն)

Խաղողաքաղ Ուսումնական ագարակում

Ուսումնական ագարակի տեսակավոր այգու խաղողն (Գառան դմակ, Խարջի, Ոսկեհատ, և այլ) արդեն պատրաստ է գինի դառնալու։

Օրը՝ 13․09․2022 (երեքշաբթի օր)

Ժամը՝ 10։00

Վայրը՝ Ուսումնական ագարակ

Ընթացքը՝ Խաղողի և գինու դպրոց-լաբորատորիայից վերցում ենք արկղերը և ուղևորվում ենք դեպի Ուսումնական ագարակ։

Խաղողաքաղը կտևի 2-5 օր։

Մասնակիցներ՝ Խաղողի և գինու դպրոցի ուսանողներ, 9-րդ դասարանի ընտրությամբ Գինեգործություն խմբի սովորողներ, Միջին դպրոցի ընտրությամբ Գինեգործություն խմբի սովոորողներ

• Սերյոժա Հովհաննիսյան (3-3 կուրս)
• Մանվել Ալեքսանյան (3-3 կուրս)
• Ռաֆայել Հովհաննիսյան (2-3 կուրս)
• Սամվել Դավթյան (2-3 կուրս)
• Գրորգ Ներսեսյան (3-3 կուրս)
• Դավիթ Վարդանյան (3-3 կուրս)
• Եկատերինա Մինասյան (9-րդ դասարան)
• Սոֆի Տոնոյան (9-րդ դասարան)
• Սյուզաննա Չալիկյան (9-րդ դասարան)
• Ալեքս Գևորգյան (8-րդ դասարան)
• Հայկ Սարգսյան (8-րդ դասարան)
• Գուրգեն Մանուկյան (8-րդ դասարան)
• Տաթև Մամիկոնյան (8-րդ դասարան)

Մառանը հարստացավ

Գինու դպրոցի «սրբավայր» Մառանը հարստացավ 5 տարեկան կոնյակով

Մեր կոնյակը խոսում է հայերեն

ՄՍԿՀ կոնյակն օժտված է յուրահատուկ փնջով:

Մեկ գավաթ կոնյակով բացահայտվում է խաղողի մշակման ընթացքում սովորողների ձեռքերից փոխանցված կենսուրախությունը, թորման ընթացքում դրսևորած հայկական խաղողի բնավորությունը, կաղնեփայտի մեջ հասունացած տարիքն ու աղբյուրի ջրի ավելացմամբ ձեռք բերած ծավալը։ Կոնյակի հազվագյուտ համի ամբողջ գաղտնիքը մեր արևի, ջրի, հողի ու մանկության մեջ է։

Արևային ճառագայթների գույնով, քաղցր դեղձ և սալորի բույրով՝ զուգակցված վանիլի և դարչինի նրբերանգներով, մեր 5 տարեկան կոնյակի համային գունապնակը լրացնում են պայծառ, կարամելային երանգները, իրիսի և տնական թարմ խմորեղենի անուշ գույները:

Մեր կոնյակի համն ու բույրը յուրահատուկ դարձնելու նպատակով օգտագործվել է բացառապես տեղական սպիտակ տեսակի խաղող․ հազվագյուտ «Ոսկեհատը»:

Սեբաստացի կոնյակը պատրաստ է

Մխիթար Սեբաստացի կրթահամալիրի Քոլեջի Խաղողի ու գինու դպրոցում, խաղողից ստացել ենք կոնյակ՝ թորման և հնեցման հատուկ տեխնոլոգիայով։

Գինու դպրոց- լաբորատորիայում, բերքի ընդունումը կատարել ենք առավոտյան. խաղողը կշռել, ստուգել ենք որակը, որից հետո միայն ջարդիչ-չանչանջատիչի միջով անցկացնելուց հետո, լցրել ենք մամլիչի մեջ։ Նուրբ ճզմման շնորհիվ ստացել ենք խաղողի հյութը՝ պահպանելով հարուստ բույրը և նուրբ համը։ Մեկ շաբաթ հետո, խմորման արդյունքում հյութը վերափոխվում է բարձրորակ սպիտակ գինենյութի, որն էլ ապագա կոնյակի թորման համար հումք է հանդիսացել։

ԽՍՀՄ-ի տարիներին հայկական կոնյակներն արժանանում էին արժեքավոր մրցանակների, սիրվում ու մեծ ճանաչում էին գտնում աշխարհի տարբեր երկրներում․ հիմնական պատճառը Արարատյան դաշտավայրի էնդեմիկ խաղողի տեսակներն էին, որոնք ամենատարածվածն են կոնյակագործության մեջ Ոսկեհատ, Գառան դմակ, Չիլար, Մսխալի, Կանգուն, Բանանց, Կախեթ, Մեխալի։

Այսօր Մխիթար Սեբաստացի կրթահամալիրի ուսումնական-արտադրական միջավայրում արտադրվել է կոնյակ, որը որակական ու համային հատկանիշներով չի զիջում տարիների փորձ ունեցող գործարանային արտադրողներին։

Զատիկի սեղանի գինին

Գինին այն ըմպելիքն է որը խմել են Հիսուսը և իր աշակերտները խորհրդավոր ընթրիքի ժամանակ։

Գինին նաև այն ըմպելիքն է, որը արտադրում ենք Գինու դպրոցում՝ մասնագետի ու դպրոցի սովորողների հոգատար ու արագ վարպետացող ձեռքերով։

Զատկական ծիսական սեղաններին անպայման արժե ունենալ «Մխիթար Սեբաստացի» կրթահամլիրի Հնձանում ծնված կարմիր մարմնեղ ( մարմնեղ համարվող գինիների համը խիտ է և ուժեղ) կամ մեղմ սպիտակ գինիներից մեկը, բայց ավելի լավ է երկուսն էլ․ ձկի հետ սպիտակը վայելելու համար, չամիչով փլավի հետ՝ կարմիրը։

Սեբաստացի կրթահամալիրի գինին ունենալով հարուստ գույն ու համային երանգներ չի համարվում արոմատիկ գինի. այս տարվա գինին պատրաստված է Արմավիրի մարզի Ոսկեհատ գյուղի  «Չարենցի» և «Հաղթանակ»  տեսակի խաղողից․ ունիվերսալ է, հաճելի բոլորի քիմքին:

Ինչու նվիրել/ձեռք բերել Մխիթար Սեբաստացի կրթահամալիրի արտադրած գինին.

• Քանի որ գինին պահանջարկ է վայելում, իսկ մեր գինին օրիգինալ է (չի վաճառվում խանութում), ունի տարբերվող դիզայն (արտաքին տեսքի պատասխանատու են 9-րդ դասարանի գինեգործները)
• Մեր գինին պատմություն ունի
• Առհասարակ գինին՝ որպես նվեր, ընդգծում է նվիրողի ինքնատիպությունը, իսկ ահա մեր գինին ընտրելով հնարավոր է տեղում նկարել/զարդարել շիշը՝ ընդգծելով ստացողի և նվիրողի անհատականությունը:
• Ոչ մի գեղեցիկ դիզայն և նորարակական լուծում՝ առանց որակի ու բովանդակության: Սեբաստացի գինիներն անցել են լաբորատոր հետազոտություն և պատրաստ են հաճելի զրույցի մեկնարկ և ջերմ նախաճաշի/ընթրիքի մասնիկ դառնալ:
• Գինին բացառիկ բաղադրություն ունի, որի բաղադրամասերն օրգանիզմի վրա դրական ազդեցություն են գործում. մեր գինին պատրաստվում է առանց քիմիական հավելումների, բնական է: Գինու օգտակար հատկությունների մասին խոսել ենք, հիմա ավելացնեմ, որ Գինեբուժություն տերմինը նորաձևություն չէ։ _{Նախկինում գինի տալիս էին վիրավորներին ու հյուծվածներին, գինով մշակում էին վերքերը, բուժում ինֆեկցիաներն ու թունավոր օձերի կծածը։ Իսկ 2 դար առաջ հիվանդանոցներում գինի նշանակում էին բժիշկները. սպիտակ գինին՝ սրտային հիվանդներին, կարմիր դառը գինին՝ ստամոքսի խանգարում ունեցողներին, իսկ կարմիր քաղցրը՝ սակավարյունության դեպքում։}

9-րդ դասարանի մասնագիտական կողմնորոշման ծրագրի սովորողները նկարազարդում են գինու շշերը՝ փոխանցելով ֆանտաստիկ էներգետիկա․

Կոնյակի սպիրտ

2021 թվականի հոկտեմբերին ձեռք բերված 5 տոննա Ռքածիթելի և Մեղրաբույր տեսակի խաղողների բերքը հատուկ մամլիչներով անցկացնելով, վերածել ենք քաղցուի կամ, ինչպես ասում ենք՝ խաղողի թարմ քամած հյութի, որից հետո ուղարկել ենք խմորման: Խմորումը կարևորագույն գործընթաց է և տևում է ոչ պակաս քան երեք շաբաթ։

Մանրամասներ

Հոտառության զարգացում

Ներկայումս գիտնականները հաշվում են 400 հազարից ավելի հոտեր, որոնք կարող է զգալ մարդը: Շատ հոտեր ենք կարողանում զգալ, բայց տարբերակել ու ճանաչել ոչ միշտ է հաջողվում։

Համն ու հոտը երկու զգայարան են, որոնք թեև շատ կարևոր են, բայց միշտ ստվերվել են ի տարբերություն տեսողություն կամ լսողություն: Սակայն Գինու դպրոցի սովորողները խորապես կարևորում են այս զգայարանների լավ աշխատանքը։

Գինին որակավորելու ընթացքում հոտառության ճանապարհով անցկացնելիս, երբ պտտում եք գավաթի մեջ եղած գինին՝ դրանում առկա բույրը շնչելու համար, կամ երբ փորձում ենք հետհամային հատկանիշները գնահատել, մեզ անհրաժեշտ է ստեղծել «հիշողության բանկ», որը կօգնի ապագայում դատել գինիների մասին և ճանաչել մեզ հայտնի գինիների առանձնահատկությունները, ինչու չէ նաև ապրանքանիշերը։

Մեր այսօրվա դասը հոտառական «հիշողության բանկ» ստեղծելուն է ուղղված։ Սովորողները փակ աչքերով արտաշնչել են տարաների մեջ եղած բուրումնավետ նյութերը (սնունդ, համեմունք, բույսեր, և այլն), և առանց հստակ իմանալու թե ինչից են հոտ քաշել արտահայտում են կարծիքներ։

Այս վարժանքը ևս մեկ անգամ ապացուցեց, որ հոտառական հիշողությունն ամենահզորն է։

Հետաքրքիր պատասխաններ լսելու և նմանատիպ դասի մասնակցելու համար համեցեք Գինու դպրոց։